====සංවර්ධන සැලසුම් මෙහෙයුම්කරණ පද්ධතිය (Development Plan Monitoring System) අන්තර්ජාලයට මුදාහැරීම ==== උතුරු මැද පළාත් සභාවේ සැලසුම් හා මෙහෙයුම් දෙපාර්තමේන්තුව විසින් නවීකරණය කරන ලද, සංවර්ධන සැලසුම් මෙහෙයුම්කරණ පද්ධතිය (Development Plan Monitoring System) අන්තර්ජාලයට මුදාහැරීම පළාත් ආණ්ඩුකාර වසන්ත ජිනදාස මහතාගේ ප්‍රධානත්වයෙන් සිදු කෙරිණ. http://dpms.nc.gov.lk/db යන ලිපිනය ඔස්සේ මෙම පද්ධතියට පිවිසිය හැකි අතර, උතුරු මැද පළාත් සභාව විසින් ක්‍රියාත්මක කරන සියලු සංවර්ධන ව්‍යාපෘති, මූල්‍ය හා භෞතික ප්‍රගතියට අදාල තොරතුරු මෙම පද්ධතිය මගින් ප්‍රදර්ශනය කරනු ලැබේ. මෙම පද්ධතියේ ව්‍යාපෘති තොරතුරු කළමණාකරණය හා තොරතුරු ඇතුළත් කිරීම අදාල අමාත්‍යාංශ හා දෙපාර්තමේන්තුවල පුහුණුවලත් නිලධාරීන් විසින් සිදුකෙරේ. මෙම අවස්ථාවට ආණ්ඩුකාර පෞද්ගලික ලේකම් සමරතුංග හේරත්, ආණ්ඩුකාරතුමාගේ සම්බන්ධීකරණ ලේකම් ආනන්ද රත්නායක, පළාත් ප්‍රධාන ලේකම් රංජන ජයසිංහ, නියෝජ්‍ය ප්‍රධාන ලේකම් ලේකම්වරුන්, පළාත් සැලසුම් හා මෙහෙයුම් දෙපාර්තමේන්තුවේ නියෝජ්‍ය ප්‍රධාන ලේකම්, අධ්‍යක්ෂ(ක්‍රම සම්පාදන),සහකාර අධ්‍යක්ෂ(ක්‍රම සම්පාදන) හා සැලසුම් දෙපාර්තමේන්තුවේ සංවර්ධන නිළධාරි චාමික මහතා, සහකාර ලේකම්වරුන්, අමාත්‍යාංශ ලේකම්වරුන්, සැලසුම් අධ්‍යක්ෂකවරුන් ඇතුළු පිරිසක් එක්වූහ.